إقتباسات كتاب لأ بطعم الفلامنكو للكاتب محمد طة

إحنا محتاجين نفكر.. محتاجين نقرا ونبحث.. محتاجين ‏نجتهد ونوصل. من غير ما ندور طول الوقت على وصي.. أو حد نعتمد عليه.. حد يفكر بالنيابة عننا، ‏ويبحث لنا، ويجتهد في سبيلنا.. ويقرر هو.. ويختار هو.. ويتحمل المسؤولية هو.. واحنا ناخد ‏البضاعة على الجاهز.. ونستهلكها كما هي.

لأنهم بيعملوا ده علشان يفضلوا ‏زي ما هم.. حاسين باليأس.. والظلم.. والعجز. وده مريح جدًّا مقارنة بإحساسهم بمسؤوليتهم عن ‏اختياراتهم في الحياة.‏

إلى كل أب وأم.. ‏ إلى كل مدرس ومدرسة..‏ إلى كل الناس..‏ من فضلكم..‏ ماتختزلوش أولادكم في درجاتهم..‏ ماتسجنوش أولادكم في مجاميعهم

خطوتها التانية هي الإذلال والاستغلال.‏ لما الست اللي بتتعب نفسها في شغل البيـت، وتضحي في سبيل جوزها وعيالها.. تيجي تقول لهم: ‏«ماحدش فيكم حاسس بيا»، «أنا ضحيت بنفسي علشانكم»، «أنا ضيعت حياتي علشان خاطركم»، «أنا دفنت ‏نفسي بالحياة علشان تعيشوا». يبقى الموضوع مش تعب ومجهود كده لوجه اللـه.. لأ.. ده فخ في ‏منتهى الذكاء.. مستني حضرتك تقع فيه بكل أريحية.‏

العبقرية صفة طبيعية وصحية موجودة فينا من وقت ولادتنا.. وموجودة في كائنات غيرنا كمان.. ‏بس بتبهت وتندثر بمرورنا ببعض الخبرات السيئة