رواية لحظات مسروقة - دينا عماد

تركها زوجها وفتح الباب لوالده ... كانت جالسة على الارض تبكي بشدة وشفتاها تقطر دما
دخل الاب ونظر لها وسأل ابنه
"في ايه ...مالها دي هتسمع علينا الناس"
حسني"اتجننت باين وبتشتمني"
قال الاب زاجرا
"اخص على دي تربية ... بتشتمي جوزك يا قليلة الادب ... وكمان بتصوتي عايزة تفضحينا"

ردت من بين دموعها
"انا مشتمتوش ... انا سمعته بيكلم واحدة وعمال يقولها كلام حب"
الاب"ما يتكلم هو حر ... انتي هتحاسبيه"
صُدمت حبيبة من الرد وتساءلت
"ليه؟؟ انا عملت ايه علشان يعرف ستات وحشة"
صحح لها الاب
"اخرسي انا ابني سيد الرجالة ومالوش في السكة العوجة"
"واللي كان بيعمله ده ايه؟"
"بيكلم خطيبته ... ايه يعني"