تحميل ديوان خير نسوان الأرض PDF - جلال البحيري

تحميل ديوان خير نسوان الأرض pdf انا الحاوي اللي لف الكون متين لفَّه
و خبَّى ف قلبه كل الناس.
في عز الزحمة متدارى
في ضحكة بنت مكسوفة
و راسم وشي ع الأسفلت
قافل صدري بالترباس !
انا الحاوي
بقَسِّم روحي مِيْت حته
و اوزع منها في الشارع
ببيع الفل ع الكورنيش
و الم تذاكر المترو
بكون السبحة للدرويش
و اصلي الفجر في الجامع!
انا الحاوي
بَخَلَّع كل اسناني
و اهديها لنور الشمس
تديني عرايس نور
و بتفسح انا و نفسي
و بعزمني على القهوة
ف نتخانق عشان دومنة
و نتاخد سوا في الحبس!
انا الحاوي
كتير الضحك غلباوي
لكن غلبان و قلبي نضيف
و احلامي تاخدني لفوق
و برجع منها من تاني
كتير الضحك غلباوي
لكن غلبان و جيبي نضيف
انا الحاوي